१३ साउन २०७६ , सोमवार

जनस्वास्थ्य अधिकृत राम अवतार गुप्ता घुस रकमसहित पक्राउ

काठमाडौं : राष्ट्रिय स्वास्थ्य शिक्षा सूचना तथा सञ्चार केन्द्रका जनस्वास्थ्य अधिकृत राम अवतार गुप्ता घुस रकमसहित पक्राउ परेका छन् ।

गुप्तालाई सोमबार बबरमहलस्थित वन विभागको परिसरबाट अख्तियार दुरूपयोग अनुसन्धान आयोगको टोलीले एक लाख रूपैयाँ घुस रकमसहित पक्राउ गरेको हो ।

गुप्ताले जनचेतनामूलक सामग्रीहरू रेडियोमा प्रचार–प्रसार गर्न कोटेसन दिई कार्य सम्पन्न गरेकोकम्पनीसित भुक्तानी गरेपश्चात् कमिसनबापत उक्त रकम घुस लिएको अख्तियारले जनाएको छ । गुप्ताले भुक्तानीमा कमिसनबापतको घुस माग गरिरहेको सूचना तथा उजुरीका आधारमा उनीमाथि अनुसन्धान गर्दा घुस लिइसकेको अवस्थामा घुस रकमसहित उनलाई रंगेहात नियन्त्रणमा लिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।