१३ साउन २०७६ , सोमवार

६ वर्षमा सर्पदंशका ७०० बिरामीकाे उपचार

कञ्चनपुर : नेपाली सेना तथा समुदायद्वारा सञ्चालित सर्पदंश उपचार केन्द्र अनर्जुनी ब्यारेकमा छ वर्षमा ७०७ जनाले उपचार गराएका छन्।

२०७१ देखि अहिलेसम्म ४९६ जना महिला र २११ जना पुरुषले उपचार गराएको केन्द्रका नेपाली सेनाका प्राविधिक सुबेदार दीपेन्द्रबहादुर कार्कीले जानकारी दिए। उनका अनुसार कम बिषालु सर्पले टोकेका ३६४ महिला र १५६ पुरुषको उपचार गरिएको छ।

यस्तै विषालु सर्पले टोकेका सात जना पुरुष र २९ जना महिलाको उपचार गरिएको छ। यसैगरी, बिच्छी र अन्य विषालु किराले टोकेका १०३ महिला र ४८ जना पुरुषको उपचार गरिएको छ।

साउन महिनाको हालसम्म ३० जना सर्पदंशका बिरामीको उपचार गरिएको केन्द्रले जनाएको छ। सर्पदंशका बिरामीहरू अधिकांश ग्रामीण क्षेत्रका महिला हुन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।