१३ साउन २०७६ , सोमवार

सामुदायिक वनकाे आम्दानीले स्वास्थ्य बिमा

तनहुँ : जिल्लाको म्याग्दे गाउँपालिका–५ मा रहेको फूलबारी सामुदायिक वनको आम्दानीबाट उपभोक्ताको स्वास्थ्य बिमा गरिएको छ।

काठ बिक्रीबाट प्राप्त आम्दानीबाट सामुदायिक वनका ८२ घरधुरीको स्वास्थ्य बिमा गरिएको हो। गत वर्ष २० लाख रुपैयाँ आम्दानी भएको सामुदायिक वनबाट स्वास्थ्य बिमाका लागि प्रति परिवार दुई हजार ५०० रुपैयाँका दरले दुई लाख पाँच हजार रुपैयाँ लगानी गरिएको हो।

सामुदायिक वन उपभोक्ता समूहका अध्यक्ष मानकुमार श्रेष्ठले सामुदायिक वनको आम्दानी उपभोक्ताकै हितमा लगानी गर्नुपर्ने प्रावधानअनुसार वनको आम्दानीबाट उपभोक्ताको स्वास्थ्य बिमा गरिएको बताए। २०६६ सालमा समुदायमा हस्तान्तरण भएको उक्त वन २०१ हेक्टर क्षेत्रफलमा फैलिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।