१२ साउन २०७६ , आइतवार

एकल महिलाको उपचार खर्च गाउँपालिकाले व्यहोर्ने

ओखलढुङ्गा : सुनकोशी गाउँपालिकाले एकल महिलाको उपचार खर्च व्यहोर्ने भएको छ। सुनकोशी गाउँपालिकाको चालू आर्थिक वर्ष २०७६\७७ को नीति तथा कार्यक्रममा एकल महिलालाई उपचार खर्च दिने उल्लेख छ।

५० वर्ष उमेर पुग्दासम्म विवाह नगरेका र विवाह गरेका तर ३५ वर्ष नपुग्दै श्रीमान् गुमाएर एकल बनेका महिलालाई औषधि उपचारका लागि सहयोग गर्ने नीति लिइएको गाउँपालिकाका अध्यक्ष रुद्रप्रसाद अधिकारीले जानकारी दिए।

सहाराविहीन भएकाहरूलाई समेट्ने लक्ष्यअनुरूप एकल महिला लक्षित कार्यक्रम ल्याएको उनको भनाइ छ। ‘वर्षमा पाँच हजार मात्रै दिँदा पनि सामान्य रोगको उपचार गर्न पुग्ने रहेछ। एकल महिलालाई मात्रै होइन जटिल प्रकृतिका रोग लागेकाहरूलाई थप सहयोग गर्ने पनि हाम्रो नीति छ’, उनले भने।

अध्यक्ष अधिकारीका अनुसार एकल महिलाले विवाह गरेमा उपचार खर्च पाउने छैनन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।