१० साउन २०७६ , शुक्रबार

विषालु च्याउ खाँदा दुई परिवारका १६ जना बिरामी

रूपन्देही : विषालु च्याउ खाँदा दुई परिवारका १६ जना बिरामी परेका छन्।

रोहिणी गाउँपालिका १ चनुली र सम्मरीमाई गाउँपालिका ५ थुमुवा पिपरहवाका दुई परिवारका १६ जना बिरामी परेका हुन्।

रोहिणी गापा १ चनुलीमा नदी किनारमा उम्रिएको च्याउ खाएपछि एकै परिवारका सात जना बिरामी परेका हुन्। त्यस्तै सम्मरीमाई गाउँपालिका ५ थुमुवा पिपरहवामा घर क्षेत्रमा उम्रिएको च्याउ खाएपछि एकै परिवारका ९ जना बिरामी परेका हुन्।

विषालु च्याउ खाँदा बिरामी भएपछि उनीहरू भैरहवास्थित भीम अस्पतालमा उपचारत छन्। बिरामी हुनेमा बालबालिकादेखि वृद्धसम्म छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।