१० साउन २०७६ , शुक्रबार

आखाँदान समाजलाई भौतिक सामग्री हस्तान्तरण

काठमाडौं : सेञ्चुरी कमर्सियल बैंकले नेपाल आखाँदान समाजलाई अत्यावश्यक भौतिक सामग्री उपलब्ध गराएको छ।

‘आखाँदान महादान’ भन्ने विश्वव्यापी नारालाई आत्मसात गरी सामाजिक कार्यमा स्वयंसेवा भावनाबाट प्रेरित भई आखाँको नानीको कारणबाट हुने अन्धोपन उन्मूलन गर्ने उद्देश्यअनुरूप स्थापित नेपाल आखाँदान समाजलाई भौतिक सामग्री प्रदान गरेको बैंकको मानभवन शाखाले जनाएको छ।

यी सामग्रीहरू बैंकका प्रमुख बजार अधिकृत रञ्जन खड्काले नेपाल आखाँदान समाजका अध्यक्ष जगन्नाथ महर्जनलाई हस्तान्तरण गरेका हुन्। कार्यक्रममा बैंकका अन्य वरिष्ठ पदाधिकारी पनि उपस्थित थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।