बागलुङ : मुटुको मध्यभागमा प्वाल परेर काठमाडौँस्थित ‘मनमोहन कार्डियो थोरासिक भास्कुलर एण्ड ट्रान्सप्लान्ट सेन्टर’मा उपचार गराइरहेका बागलुङका एक युवालाई खर्च अभाव भएको छ।

निसीखोला गाउँपालिका–४ झिवाखोलाका १९ वर्षीय श्यामलाल रेग्मीलाई उपचार खर्च अभाव भएको हो।

मुटुमा प्वाल परेपछि शल्यक्रिया गर्न चिकित्सकले सल्लाह दिएका छन्। रेग्मीले मुटुको समस्या पत्ता लगाउनै आफूसँग रहेको रकम सकिएको भन्दै नले सहयोगको याचना गरेका हुन्।

मुटुको बीच भागमा प्वाल रहेकाले त्यसको शल्यक्रियाका लागि छ लाख रुपैयाँ लाग्ने चिकित्सकले बताएका छन्। परिवारको आर्थिक अवस्था कमजोर रहेकाले लाखौँ खर्चेर शल्यक्रिया गर्न सक्ने अवस्था नरहेको उनले बताए।

रेग्मीको मुटुको शल्यक्रियाको समय भदौ पहिलो साता अस्पतालले तोकेको छ। सहयोग गर्न चाहने सहयोगी दाताले श्यामलाल रेग्मीको नबिल बैंकको खाता नं ५३१००१७५०१७५७ र प्रभु बैंक निसीखोला शाखामा १६९१०७०१३१७०४६०००००१ जम्मा गर्न सक्नेछन्।

यस्तै ९८६७८६९७०३ र ९८२१३१९९३६ मा सम्पर्क गरी सहयोग गर्न परिवारले आग्रह गरेको छ।