९ साउन २०७६ , बिहिबार

शहिद गंगालाल राष्ट्रिय हृदय केन्द्र जनकपुर शाखाको उद्घाटन

काठमाडौं : उपप्रधान एवं स्वास्थ्य मन्त्री उपेन्द्र यादवले शहिद गंगालाल राष्ट्रिय हृदय केन्द्र जनकपुर शाखाको औपचारिक उद्घाटन गरेका छन्।

विहिबार उद्घाटन कार्यक्रममा मन्त्री यादवले प्रदेश २ स्वास्थ्यका क्षेत्रमा निकै पिछडिएको भन्दै यो केन्द्रको शुरुवातसँगै यहाँका धेरै बिरामीले स्वास्थ्य सेवा पाउने बताए । उनले यो सँगै मुटुरोग लाग्ने बिक्तिकै काठमाडौं जानुपर्ने बाध्यता हट्ने समेत जिकीर गरे । उनले केन्द्रको सेवा बिस्तार गर्दै लैजान प्रदेश सरकारले विशेष भूमिका खेल्नुपर्ने समेत बताए ।

केन्द्रले गत माघ देखि नै सेवा दिन शुरु गरेको भएपनि भवन निर्माण कार्य भने भर्खर मात्र सम्पन्न भएको हो । ओपीडी भवनको औपचारिक उद्घाटनसँगै मुटुरोग सम्बन्धी सेवा नियमित हुने केन्द्रका कार्यकारी निर्देशक डा ज्योतिन्द्र शर्माले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।