काठमाडौं : युवा चिकित्सक संघले सरकार मातहत विभिन्न विश्वविद्यालयमा अध्यापन गरिरहेका समान तहका शिक्षकरूलाई एक वा अर्को विश्वविद्यालयले नमान्ने, घटाउने गरेको भन्दै असन्तुष्टि जनाएको छ।

प्रतिनिधिसभाको शिक्षा तथा स्वास्थ्य समितिकी सभापति जयपुरी घर्तीलाई सोमबार पत्र लेखी संघले त्रिभुवन विश्वविद्यालय र काठमाडौं विश्वविद्यालयमा एसोसिएट प्रोफेसर र प्रोफेसरको समान तह रहे पनि त्यस तल केयुमा अध्यापन गर्ने शिक्षकरूले ‘भेरिफिकेसन’ लिनुपरे एक तह घटुवामा पर्ने गरेको भन्दै असन्तुष्टि व्यक्त गरेको हो।

संघले आफू अनुकुलकालाई मात्र भेरिफिकेसन दिने गरेको पनि दाबी गरेको छ। अध्यक्ष डा. चेतन बस्नेतद्वारा हस्ताक्षरित पत्रमा निश्चित शैक्षिक योग्यता, शोधपत्र, अनुभवका आधारमा सबै विश्वविद्यालयमा पदको समानता कायम गर्न माग गरिएको छ।

विश्वविद्यालय कलेज र अनुगमनकारी निकायबीचको जुँगाको लडाइँमा शिक्षक विद्यार्थी परेको भन्दै समस्या समाधानका लागि पहल गरिदिन समितिसँग संघले समितिसँग आग्रह गरेको छ।