६ साउन २०७६ , सोमवार

अवैध गर्भपतन गराउने चिकित्सक पक्राउ

सिरहा : अवैध गर्भपतन गराएको आरोपमा सिरहाको मिर्चैयास्थितमिर्चैया नर्सिङ होममा कार्यरत एक चिकित्सक पक्राउ परेका छन्। नर्सिङ होमका चिकित्सक डा. शम्भुकुमार यादव पक्राउ परेका हुन्

सिरहा नगरपालिका–१०, गुलरियाकी एक महिलासँग १२ हजार रुपैयाँ लिएर गत असार २३ गते लिंग परीक्षण गरेका थिए। त्यसपछि गर्भपतन गराएको आरोप उनीमाथि छ।

गर्भपतनपछि महिलाको रक्तश्राव नरोकिएपछि घटना बाहिर आएको हो। त्यसपछि प्रहरीले घटनाको अनुसन्धानका लागि डा.यादवलाई नियन्त्रणमा लिएको हो।

आइतबार उनलाई अदालतबाट म्याद गरी थप अनुसन्धान थालिएको सिरहा प्रहरी प्रमुख एसपी उमाप्रसाद चतुर्वेदीले बताए।

पछिल्लो समय लहानमा खुलेका बग्रेल्ती अल्ट्रा साउण्ड सेन्टर र पोलिक्लिनिकमा लिंग पहिचान गरेर भ्रूण हत्या गर्ने क्रम बढेको स्थानीय वासिन्दा बताउँछन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।