६ साउन २०७६ , सोमवार

वालिङ नगरपालिकामा स्तनपान कक्ष

स्याङ्जा : वालिङ नगरपालिकाले कार्यालयभित्र स्तनपान कक्ष सञ्चालनमा ल्याएको छ। नगरपालिकामा कार्यरत महिला कर्मचारी र सेवाग्राही महिलालाई लक्ष्य गरी कार्यालयभित्र स्तनपान कक्ष सञ्चालन गरिएको हो।

शिशुसहितका आमालाई कार्यालयमा आउँदा असहज हुने भएकाले साधारण स्तनपान कक्ष स्थापना गरिएको नगरपालिकाका प्रमुख प्रशासकीय अधिकृत गुरुदत्त सुवेदीले बताए। यसलाई व्यवस्थित गर्दै लग्ने उनको भनाइ छ। स्तनपान कक्ष स्थापना गर्नेमा वालिङ जिल्लाकै पहिलो कार्यालय भएकाे उनकाे दाबी छ।

यो अभियानलाई आगामी दिनमा अन्य वडा कार्यालयमा पनि विस्तार गर्दै लगिने जानकारी दिइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।