२४ फाल्गुन २०७५ , शुक्रबार

सचिव चाैधरीले गरिन् बीपी कोइराला मेमोरियल क्यान्सर अस्पतालको निरीक्षण

चितवन : स्वास्थ्य तथा जनसङ्ख्या मन्त्रालयका सचिव डा. पुष्पा चौधरीले भरतपुरमा रहेको बीपी कोइराला मेमोरियल क्यान्सर अस्पतालको निरीक्षण गरेकी छिन्।

क्यान्सर अस्पतालमा कार्यरत ११ औँ चिनियाँ मेडिकल टिमको बिदाइ तथा १२ औँ मेडिकल टिमको स्वागत कार्यक्रममा सहभागी हुन यहाँ आएकी सचिव चौधरीले दिउँसो अस्पतालको रेडियोथेरापी विभाग, अन्तरङ्ग विभाग, प्याथोलोजी विभागलगायत विभागको निरीक्षण गरेकी हुन्।

अस्पतालको निरीक्षण अनुगमनपछि सचिव चौधरीले अस्पताललाई अनुसन्धान केन्द्रका रुपमा विकास गर्नुपर्ने बताइन्। सेवा अझै चुस्त दुरुस्त बनाउनउनले अस्पताल प्रशासनलाई आग्रह गरिन्। अस्पतालका कार्यकारी निर्देशक डा. विजयचन्द्र आचार्यले अस्पतालको वस्तुस्थिति जानकारी गराएका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।