१४ माघ २०७५ , सोमवार

डा.केसीसँग वार्ताका लागि सरकारी टोली गठन गर्न कांग्रेसकाे माग

काठमाडौं : नेपाली कांग्रेसले अनशनरत डा. गोविन्द केसीसँग वार्ताका लागि सरकारी टोली गठन गर्न माग गरेकाे छ।राष्ट्रियसभाकाे सोमबारको बैठकमा सांसद अधिकारीले अनशन लम्ब्याउनुको साटो वार्ता गरेर समस्याको समाधान खोज्न आग्रह गरेका हुन्।

२० दिनदेखि अनसनमा बसेका डा. केसीको स्वास्थ्य खस्किँदै जाँदा पनि सरकारले एक जनालाई पनि वार्ताका लागि नपठाएको अधिकारीको भनाइ छ। उनले प्राध्यापक केदारभक्त माथेमा कार्यदलले गरेको सिफारिस लागू गर्न सरकारले कानुनी र नैतिक रूपमा प्रतिबद्धता जनाइसकेकाले त्यसबाट भाग्न नमिल्ने बताए ।

सरकारले बीएण्डसी अस्पताललाई मेडिकल कलेजको सम्बन्धन दिने गरी डा.केसीसँगको सम्झौता तोडेको अधिकारीले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।