१४ माघ २०७५ , सोमवार

राप्ती स्वास्थ्य विज्ञान प्रतिष्ठानको सेवा चाँडै सञ्चालन हुने

काठमाडौं : स्वास्थ्य तथा जनसङ्ख्या मन्त्रालयले दाङस्थित राप्ती स्वास्थ्य विज्ञान प्रतिष्ठानको सेवा छिट्टै सञ्चालन हुने जनाएको छ।

स्वास्थ्य तथा जनसङ्ख्यामन्त्री उपेन्द्र यादव तथा राज्यमन्त्री डा. सुरेन्द्र यादवलाई दाङबाट प्रतिनिधित्व गर्ने सांसदले आइतबार सो प्रतिष्ठानको स्थितिबारे ध्यानाकर्षण गरेपछि मन्त्रालयले सो जानकारी दिएको हो ।

उपप्रधानमन्त्री यादवले प्रतिष्ठानमा देखिएको समस्या चाँडो समाधान गर्न पहल गर्ने जानकारी दिएको भेटमा सहभागी सांसद सुजिता शाक्यले बताइन्। भेटमा सांसद कोमल ओली, रेखा शर्मा, शान्ता चौधरी, गंगा चौधरीलगायत सांसद सहभागी थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।