२८ माघ २०७८ , शुक्रबार

अबदेखि १८ वर्ष माथिका सबैलाई कोरोना विरुद्धको बुस्टर डोज दिइने

हेल्थ टिभी अनलाइन \काठमाडौं : सरकारले अबदेखि १८ वर्ष माथिका सबैलाई कोरोना विरुद्धको खोपको बुस्टर डोज दिने भएको छ । स्वास्थ्य तथा जनसंख्या मन्त्रालयका अनुसार कोरोना भाइरस विरुद्धको पूर्ण खोप लगाएको ६ महिना पुगेका १८ वर्ष माथिका सबैलाई बुस्टर डोज दिने निर्णय गरेको हो ।

बुस्टर डोजका रुपमा हाललाई कोभिशिल्ड, एस्ट्राजेनेका, मोडर्ना र फाइजर दिइने निर्णय गरिएको मन्त्रालयका जनस्वास्थ्य अधिकृत संजय कुमार महासेठले जनाएका छन्।

यसैगरी अहिलेसम्म कोरोना विरुद्धको खोप नलगाएका व्यक्तिलाई कोरोना संक्रमणबाट मुक्त भएको एक महिनापछि खोप दिइने र बुस्टर डोजको हकमा पनि सोही मापदण्ड कायम हुने जनाइएको छ । बुस्टर डोज प्रदान गर्दा ६० वर्ष माथिका समूह, गर्भवती, दीर्घ रोगी, पिछडिएका वर्गलाई प्राथमिकतामा राख्न स्वास्थ्यकर्मीलाई आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।