हेल्थ टिभी अनलाइन \काठमाडौं : नेपालमा कोरोना संक्रमण दर बिस्तारै कम हुँदै गएको छ । स्वास्थ्य तथा जनसंख्या मन्त्रालयले यो साता कोरोना संक्रमण दर घटेर २० प्रतिशतमा आएको जनाएको हो । गत साताको तुलनामा यो साता संक्रमण दर १३ दशमलब ८ प्रतिशतले कम भएको मन्त्रालयले जनाएको हो ।

हाल देशभर ३० हजार २४१ जना सक्रिय संक्रमित रहेका छन । उनीहरुमध्ये २९ हजार ११७ जना होम आइसोलेसनमा छन् भने जम्मा ११ सय २४ जना संस्थागत आइसोलेसनमा रहेका छन्। तीन साताअघिसम्म कोरोना संक्रमण दर झण्डै ६० प्रतिशतसम्म पुगेको थियो ।

मन्त्रालयकी प्रवक्ता डा संगीता मिश्राले कोरोना संक्रमण दरमा कमी आएको भए पनि जोखिम भने कायमै रहेको जनाएकी छिन्।