२४ माघ २०७८ , सोमवार

काठमाडौंमा आजदेखि १२ देखि १७ वर्षका बालबालिकालाई फाइजर खोपको दोस्रो मात्रा दिइँदै

हेल्थ टिभी अनलाइन \काठमाडौं : काठमाडौं महानगरपालिका भित्रका १२ देखि १७ वर्षका विद्यार्थीहरुलाई आजबाट कोरोना विरुद्धको फाइजर खोपको दोस्रो मात्रा दिइँदै छ ।

यसअघि फाइजर खोपको पहिलो मात्रा लगाएका र तीन साता पुगेका १२ वर्षदेखि १७ वर्ष उमेर समूहका विद्यार्थीहरुलाई आजदेखि फागुन ५ गतेसम्म दोस्रो मात्रा खोप दिन लागिएको हो ।

काठमाडौं महानगरपालिकाका स्वास्थ्य विभागका प्रमुख बलराम त्रिपाठीका अनुसार महानगरका ३२ वटै वडामा रहेका तोकिएका विद्यालय खोप केन्द्रमा बिहान १० बजेदेखि अपराह्न ४ बजेसम्म खोप दिइने कार्यक्रम रहेको छ । त्यसका लागि पहिलो मात्रा फाइजर खोप लगाएको कार्ड अनिवार्य देखाउनुपर्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।