२३ माघ २०७८ , आइतवार

नेपालमा कोरोना संक्रमणबाट कतिले गुमाए ज्यान ?

हेल्थ टिभी अनलाइन \काठमाडौं : नेपालमा हालसम्म ११ हजार ८०३ जनाको कोरोना भाइरसको संक्रमणका कारण मृत्यु भएको छ ।

स्वास्थ्य तथा जनसंख्या मन्त्रालयको शनिबारसम्मको तथ्यांक अनुसार देशभर ११ हजार ८०३ जनाको मृत्यु भएको देखिन्छ । हालसम्म कोरोना संक्रमण पुष्टि हुनेको कुल संख्या भने झण्डै ११ लाख पुगेको छ । कोरोना संक्रमणबाट मृत्यु हुने दर अहिले १ दशमलब ३ प्रतिशत रहेको मन्त्रालयले जनाएको छ । यसैगरी संक्रमणबाट निको हुने दर ९३ दशमलब ३ प्रतिशत रहेको छ ।

यहीवीच कोरोना विरुद्धको खोप अभियान पनि जारी रहेको छ । हालसम्म ४ करोड ५७ लाख ८ हजार ६४० मात्रा खोप नेपाल भित्रिसकेको छ भने ३ करोड ३८ लाख २६ हजार ३३० मात्रा प्रयोग भएको मन्त्रालयको तथ्यांकमा उल्लेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।