१६ माघ २०७८ , आइतवार

भारतमा पछिल्लो २४ घण्टामा ८९३ कोरोना संक्रमितको मृत्यु

हेल्थ टिभी अनलाइन : भारतमा कोरोना भाइरसकाे संक्रमणबाट पछिल्लो २४ घण्टामा ८९३ जना कोरोना संक्रमितको मृत्यु भएको छ ।

पछिल्लो केही दिनदेखि संक्रमणमा केही कमी आएको भए पनि मृत्यु दर भने बढेको त्यहाँको स्वास्थ्य मन्त्रालयले जनाएको छ । योसँगै भारतमा कोरोना संक्रमणबाट मृत्यु हुनेको संख्या ४ लाख ९४ हजार ९१ पुगेको छ । यसैगरी गत २४ घण्टामा २ लाख ३४ हजार २८१ जना नयाँ संक्रमित थपिएका छन्। भारतीय स्वास्थ्य मन्त्रालयका अनुसार अहिले ५ राज्यमा सबैभन्दा बढी संक्रमित रहेका छन्।

केरला, कर्नाटक, महाराष्ट्र, तमिलनाडु र गुजरात बढी कोरोना प्रभावित राज्य बनेका छन्। केही राज्यमा संक्रमण कम भएसँगै कोरोना नियन्त्रणका लागि लगाइएका प्रतिबन्धहरु खुकुलो बनाउन थालेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।