११ माघ २०७८ , मङ्लबार

पछिल्लो २४ घण्टामा थपिए १२ हजारभन्दा बढी संक्रमित, ८ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर १२ हजारभन्दा बढी कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा २५ हजार ९०९ जनाको नमुना परीक्षण गरिएकोमा १२ हजार ८ जनामा कोरोना पुष्टि भएको हो । यसैगरी आज मात्रै ८ जना कोरोना संक्रमितको मृत्यु भएको मन्त्रालयले जनाएको छ । योसँगै देशभर कोरोना संक्रमणबाट मृत्यु हुनेको संख्या ११ हजार ६६७ पुगेको छ । उता सक्रिय संक्रमितको संख्या पनि बढेर ८८ हजार ९३४ पुगेको छ ।

मन्त्रालयका अनुसार गत २४ घण्टामा ३ हजार ४० जना कोरोना संक्रमित निको भएका छन् भने यहीवीच २ लाख ३९ हजार ८५१ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।