५ माघ २०७८ , बुधबार

घट्यो पीसीआर शुल्क, सरकारीमा ८ सय र निजीमा १५ सय रुपैयाँ

हेल्थ टिभी अनलाइन \काठमाडौं : कोरोना संक्रमण तीब्र गतिमा बढिरहेका बेला सरकारले कोरोना परीक्षणको शुल्क घटाएको छ। कोरोना पत्ता लगाउन गरिने आरटी–पीसीआर परीक्षणको शुल्क घटाइएको स्वास्थ्य तथा जनसंख्या मन्त्रालयले जानकारी दिएको हो ।

मन्त्रालयका सह प्रवक्ता डा समिर अधिकारीका अनुसार अबदेखि निजी अस्पताल तथा प्रयोगशालामा पीसीआर परीक्षणको शुल्क १५ सय रुपैयाँ निर्धारण गरिएको छ। निजी प्रयोगशालाहरुले यसअघि पीसीआर परीक्षणको शुल्क २ हजार रुपैयाँ लिंदै आएका थिए ।

उता सरकारी अस्पतालमा भने लक्षण देखिएकाको निशुल्क परीक्षण गरिनेछ भने अन्यको हकमा ८ सय रुपैयाँमा पीसीआर गरिने भएको छ । यसभन्दा अघि एक हजार रुपैयाँ लिने गरिन्थ्यो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।