२ माघ २०७८ , आइतवार

सक्रिय कोरोना संक्रमितको संख्या २५ हजार नाघ्यो, २४ घण्टामा झण्डै ५ हजारमा संक्रमण

हेल्थ टिभी अनलाइन \काठमाडौं : देशभर पछिल्लो २४ घण्टामा ४ हजार ९६१ जनामा कोरोना संक्रमण पुष्टि भएको छ । योसँगै देशभर सक्रिय कोरोना संक्रमितको संख्या २५ हजार ६८० पुगेको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १५ हजार १३१ जनाको नमुना परीक्षण गरिएकोमा ४ हजार ९६१ जनामा कोरोना देखिएको हो । यसैगरी गत २४ घण्टामा ३ जना कोरोन संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ११ हजार ६२० पुगेको छ । यहीवीच ४३५ जना संक्रमित निको भएका छन्।

पछिल्लो केही दिन यता कोरोना संक्रमण दर बढेर ३६ प्रतिशतमा पुगेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।