३० पुस २०७८ , शुक्रबार

देशभर १३६ जना कोरोना संक्रमित आइसीयू र भेन्टिलेटरमा

हेल्थ टिभी अनलाइन \काठमाडौं : देशभर सक्रिय कोरोना संक्रमितको संख्या १८ हजार नाघेको छ । शुक्रबार थपिएका ५ हजार ८७ संक्रमितसहित देशभर सक्रिय कोरोना संक्रमितको संख्या १८ हजार २३५ पुगेको हो ।

यीमध्ये १७ हजार २९१ जना होम आइसोलेसनमा रहेको र ९४४ जना संस्थागत आइसोलेसनमा रहेको स्वास्थ्य मन्त्रालयले जनाएको छ । संक्रमितमध्ये १ सय ११ जनाको आइसीयूमा र २५ जनाको भेन्टिलेटरमा उपचार भइरहेको छ ।

नेपालमा पछिल्लो समय कोरोना संक्रमण दर तीब्र गतिमा उकालो लागिरहेको छ । हालसम्म देशभर ११ हजार ६१३ जनाले कोरोना संक्रमणका कारण ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।