कोरोना संक्रमण बढेपछि सिंहदरबार प्रवेशमा सरकारको कडाइ
हेल्थ टिभी अनलाइन \काठमाडौं : सरकारले कोरोना संक्रमणको जोखिम बढेको भन्दै सिंहदरबार प्रवेशमा कडाइ गरेको छ ।
पछिल्लो समय कोरोनाको नयाँ भेरियन्ट ओमिक्रोनको जोखिम बढेपछि गृह मन्त्रालयले सिंहदरबार परिसरभित्र प्रवेशमा कडाइ गर्ने निर्णय गरेको हो । मन्त्रालयले बुधबार विज्ञप्ति जारी गर्दै हालसम्म भएका सबै मन्त्रालय, निकाय, सचिवालय, आयोग, कार्यालय लगायतबाट जारी भएका सबै प्रकारका स्थायी अस्थायी पास खारेज गर्ने निर्णय गरेको जनाएको हाे ।
मन्त्रालयले अब नयाँ स्थायी, अस्थायी पास, अस्थायी परिचयपत्र जारी गर्नु पर्ने भएमा आवश्यकता हेरी सम्बन्धित निकायको सिफारिसमा गृह मन्त्रालयको पूर्व सहमति लिई सम्बन्धित निकायबाट जारी गरिने पनि जनाएको छ ।
नेपालमा केही दिनदेखि कोरोना संक्रमण दर ह्वात्तै बढेपछि सरकारले विद्यालय बन्द गर्नेदेखि भिडभाड गर्न नपाइने, सभा सम्मेलन गर्न नपाइने जस्ता प्रावधानहरु अघि सारेको छ । यही क्रममा प्रशासनिक कामका लागि सधैं भिड हुने सिंहदरबारमा समेत कोरोना जोखिम बढेको भन्दै सरकारले आजदेखि प्रवेशमा कडाइ गरेको हो ।
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने
न्युरोसाइन्स सम्बन्धी १४ दिने अन्तराष्ट्रिय वर्कशप काठमाडौंमा
कान्ति बाल अस्पतालले माग्यो ठूलो संख्यामा चिकित्सक तथा नर्स
जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने