२२ पुस २०७८ , बिहिबार

फेरि बढ्न थाल्यो संक्रमण : आज एकैदिन ५४० संक्रमित थपिए

हेल्थ टिभी अनलाइन \काठमाडौं : आज एकैदिन देशभर ५४० जना नयाँ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा १२ हजार ९९ जनाको नमुना परीक्षण गरिएकोमा ५४० जनामा कोरोना पुष्टि भएको हो । यो संख्या केही साता यताकै उच्च हो ।

भारतमा कोरोना संक्रमण बढ्न थालेपछि नेपालमा पनि बढ्न सक्ने भन्दै सरकारले परीक्षण दर र निगरानी पनि बढाइरहेको मन्त्रालयका सह प्रवक्ता डा समिर अधिकारी बताउँछन्।

गत २४ घण्टामा एक जना कोरोना संक्रमितको ज्यान गएको छ भने १ लाख २० हजार ६५३ जनाले कोरोना विरुद्धको खोप लगाएको मन्त्रालयले जनाएको छ । उता यहीवीच २४० जना संक्रमित संक्रमणमुक्त भएका छन्।

अहिले देशभर ५ हजार ४३१ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।