१६ पुस २०७८ , शुक्रबार

देशभर ४ हजार ८७९ सक्रिय कोरोना संक्रमित, ११३ जना आइसीयू र भेन्टिलेटरमा

पछिल्लो २४ घण्टामा देशभर २३५ नयाँ संक्रमित थपिए

हेल्थ टिभी अनलाइन \काठमाडौं : देशभर अहिले ४ हजार ८७९ जना मात्र सक्रिय कोरोना संक्रमित रहेका छन्। स्वास्थ्य तथा जनसंख्या मन्त्रालयलले जारी गरेको तथ्यांक अनुसार शुक्रबारसम्म देशभर होम तथा संस्थागत आइसोलेसनमा रहने सक्रिय संक्रमितको संख्या ४ हजार ८७९ रहेको हो ।

उनीहरुमध्ये ४ हजार ६५१ जना होम आइसोलेसनमा र २२८ जना संस्थागत आइसोलेसनमा रहेका छन्। उनीहरुमध्ये पनि ८९ जनाको आइसीयूमा र २४ जनाको भेन्टिलेटरमा उपचार भइरहेको छ ।
हालसम्म देशभर ११ हजार ५९४ जनाको कोरोना संक्रमणबाट मृत्यु भइसकेको छ । पछिल्लो २४ घण्टामा देशभर २३५ जना नयाँ संक्रमित थपिएका छन्।

मन्त्रालयका अनुसार गत २४ घण्टामा देशभर १ लाख ३९ हजार १५२ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।