१२ पुस २०७८ , सोमवार

यी ४ अस्पतालबाट दिइँदैछ विदेश जानेका लागि जोन्सन एण्ड जोन्सन खोप

हेल्थ टिभी अनलाइन \काठमाडौं : सरकारले विदेश जानेहरुका लागि काेभिड -१९ विरुद्धको जोन्सन एण्ड जोन्सन खोप लगाउनका लागि उपत्यकाका ४ अस्पताल तोकेको छ ।

स्वास्थ्य तथा जनसंख्या मन्त्रालयले यी ४ अस्पतालमा गएर खोप लगाउन सबैलाई आग्रह गर्दै अस्पतालको सूची समेत सार्वजनिक गरेको हो । खोप दिइने अस्पतालमा वीरेन्द्र सैनिक अस्पताल छाउनी, नेपाल प्रहरी अस्पताल महाराजगंज, सशस्त्र प्रहरी अस्पताल बलम्बु र शहीद शुक्रराज ट्रविकल तथा सरुवा रोग अस्पताल टेकु रहेका छन्।

यी अस्पतालमा गएर खोप लगाउन सकिने मन्त्रालयले जनाएको छ । त्यसका लागि आफनो पासपोर्ट र भिसा भने लिएर जानुपर्नेछ । जोन्सन एण्ड जोन्स एक डोज मात्र लगाए पुग्ने खालको खोप हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।