७ पुस २०७८ , बुधबार

नेपालमा थप एक जनामा ‘ओमिक्रोन भेरियन्ट’ पुष्टि

हेल्थ टिभी अनलाइन \काठमाडौं : नेपालमा थप एक जनामा कोभिड १९ को नयाँ भेरियन्ट ओमिक्रोन पुष्टि भएको छ ।

बुधबार स्वास्थ्य तथा जनसंख्या मन्त्रालयको प्रेस ब्रिफिङका क्रममा प्रवक्ता डा संगीता मिश्राले एक ५८ वर्षीय व्यक्तिमा कोरोनाको नयाँ भेरियन्ट ओमिक्रोन संक्रमण पुष्टि भएको जनाएकी हुन्। डा मिश्राले नियमित रुपमा गरिएको जिन सिक्वेन्सिङका क्रममा आज एक जनामा ओमिक्रोन भेरियन्ट पुष्टि भएको जनाएकी हुन्।

उनले संक्रमण पुष्टि भएका व्यक्तिको स्वास्थ्य अवस्था सामान्य रहेको र अहिले आइसोलसनमा रहेको समेत जानकारी दिइन । योसँगै नेपालमा ओमिक्रोन भेरियन्ट पुष्टि हुनेको संख्या ३ पुगेको छ । यसअघि २ जनामा ओमिक्रोन संक्रमण पुष्टि भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।