हेल्थ टिभी अनलाइन \काठमाडौं : सरकारले कोरोना विरुद्धको खोप अभियानलाई तीब्र बनाएको छ । स्वास्थ्य तथा जनसंख्या मन्त्रालयको पछिल्लो तथ्यांक हेर्दा अहिले दैनिक रुपमा २ लाखभन्दा बढीले कोरोना विरुद्धको खोप लगाउँदै आएका छन्। दक्षिण अफ्रिकामा पहिलोपटक देखिएको ओमिक्रोन भेरियन्टबाट बच्नका लागि बुस्टर डोजको पनि छलफल भइरहेको मन्त्रालयले जनाएको छ ।

अहिलेसम्म कुल जनसंख्याको ३८ दशमलब ७ प्रतिशतले पहिलो डोज लगाइसकेका छन् भने ३१ प्रतिशतले पूर्ण खोप पाइसकेका छन्। कुल जनसंख्याको ५० प्रतिशतले पहिलो खोप लगाइसकेपछि मात्र बुस्टर डोजमा जान विज्ञहरुले सल्लाह दिएका छन्। बिहिबार मात्र झण्डै ४२ लाख डोज मोर्डना र जोन्सन एण्ड जोन्सन खोप नेपाल आएको छ भने शुक्रबार पनि ठूलो परिमाणमा खोप आउने बताइएको छ ।

सरकारले यही पुस ४ गतेदेखि १२ देखि १७ वर्षका किशोरकिशोरीलाई मोडर्ना खोप दिने भएको छ । त्यसका लागि विद्यालयलाई खोप केन्द्र तोकिएको छ ।