१० मंसिर २०७८ , शुक्रबार

मेडिकल काउन्सिल निर्वाचन : काठमाडौं उपत्यका र धुलिखेलमा आज मतदान हुँदै

हेल्थ टिभी अनलाइन \काठमाडौं : नेपाल मेडिकल काउन्सिलको दोस्रो चरणको निर्वाचन अन्तर्गत आज र भोलि काठमाडौं उपत्यका र धुलिखेलमा मतदान हुँदैछ। यसअघि पहिलो चरण अन्तरर्गत उपत्यका बाहिर मंसीर ३ र ४ गते मतदान भइसकेको छ ।

काउन्सिल निर्वाचन समितिका अनुसार आज काभ्रेको धुलिखेल अस्पताल र काठमाडौं उपत्यकाको नेपाल प्रज्ञा प्रतिष्ठान कमलादी र स्टाफ कलेज जावलाखेलमा मतदान हुँदैछ । धुलिखेलमा आज मात्र मतदान हुनेछ भने उपत्यकामा आज र भोलि दुई दिन मतदान हुने निर्वाचन समितिले जनाएको छ ।

एक उपाध्यक्ष र आठ सदस्य पदका लागि कुल ३५ जना चिकित्सकले उम्मेदवारी दिएका छन् । तीन जना उपाध्यक्ष र ३२ जना सदस्यको उम्मेदवारी परेको छ । मतदान विहान १० देखि अपरान्ह ४ बजेसम्म हुने जनाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।