१४ कार्तिक २०७८ , आइतवार

थप ४०८ जनामा कोरोना संक्रमण, ५१८ जना संक्रमणमुक्त

हेल्थ टिभी अनलाइन \काठमाडौं : पछिल्लो २४ घण्टामा देशभर ४०८ जनामा कोरोना संक्रमण पुष्टि भएको छ । गत २४ घण्टामा ७ हजार ८९९ जनाको नमुना परीक्षण गरेकोमा ४०८ जनामा कोरोना पोजेटिभ देखिएको स्वास्थ्य तथा जनसंख्या मन्त्रालयले जनाएको छ ।

उता गत २४ घण्टामा ८ जना कोरोना संक्रमितको मृत्यु भएको छ भने ५१८ जना संक्रमित निको भएका छन्। आज मृत्यु भएका संक्रमितसहित देशभर कोरोना संक्रमण भएर ज्यान गुमाउनेको संख्या ११ हजार ४०७ पुगेको छ । पछिल्लो २४ घण्टामा ३८ हजार ८१५ जनाले कोरोना विरुद्धको खोप लगाएका छन्।

मन्त्रालयका अनुसार हाल देशभर ९ हजार ३७६ सक्रिय कोरोना संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।