३ कार्तिक २०७८ , बुधबार

कार्तिक ७ र ८ गते बालबालिकालाई भिटामिन ‘ए’ खुवाइँदै

हेल्थ टिभी अनलाइन \काठमाडौं : यही कार्तिक ७ र ८ गते राष्ट्रिय भिटामिन ए खुवाइने कार्यक्रम रहेको छ । सरकारले यही ७ र ८ गते देशभर ६ देखि ५९ महिनासम्मका बालबालिकालाई भिटामिन ए क्याप्सुल र १२ देखि ५९ महिना उमेर समूहका बालबालिकालाई जुकाको औषधि खुवाउन लागेको हो ।

यसअघि कार्तिक र ३ र ४ गते कार्यक्रम सञ्चालन गर्ने भनिएको भए पनि दशैंको बिदा परेकाले ७ र ८ गतेलाई तय भएको हो ।

स्वास्थ्य तथा जनसंख्या मन्त्रालयले कोरोना संक्रमणको जोखिम कायम नै रहेकाले संक्रमणबाट बच्न खोप केन्द्रमा जनस्वास्थ्यका मापदण्ड पालना गर्दै आफ्ना बालबालिकालाई भिटामिन ए खुवाइने राष्ट्रिय कार्यक्रममा लिएर जान आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।