२४ अशोज २०७८ , आइतवार

देशभर ६० प्रतिशतले घटे कोरोना संक्रमित, २४ घण्टामा ५९६ जनामा संक्रमण

हेल्थ टिभी अनलाइन \काठमाडौं : नेपालमा कोरोना संक्रमित एक महिनामा ६० प्रतिशतले घटेको छ । स्वास्थ्य तथा जनसंख्या मन्त्रालयका अनुसार भदौको पहिलो साताबाट असोज पहिलो सातासम्म आइपुग्दा कोरोना संक्रमण ६० प्रतिशतले कम भएको जनाएको छ ।

भदौको पहिलो सातामा सक्रिय संक्रमितको संख्या ४० हजार भन्दा बढी थियो भने असोजको पहिलो सातासम्म आइपुग्दा सक्रिय संक्रमित घटेर १५ हजारको हाराहारीमा पुगेको छ । यसैगरी गत २४ घण्टामा जम्मा ५९६ जनामा कोरोना संक्रमण पुष्टि भएको मन्त्रालयले जनाएको छ ।

उता गत २४ घण्टामा देशभर १० जना कोरोना संक्रमितको मृत्यु भएको छ । योसँगै देशभर कोरोना संक्रमणबाट ज्यान गुमाउनेको संख्या ११ हजार २३१ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।