२० अशोज २०७८ , बुधबार

ललितपुरमा आजदेखि १८ बर्ष माथिका सबैलाई भेरोसेल खोप लगाइँदै

हेल्थ टिभी अनलाइन \काठमाडौं : ललितपुर महानगरमा आजदेखि कोरोना भाइरस विरुद्धको भेरोसेल खोप लगाइने भएको छ । ललितपुर महानगरले एक सूचना जारी गर्दै २९ वटा खोप केन्द्रबाट १८ वर्षमाथिका सबै नागरिकलाई भेरोसेल खोपको पहिलो मात्रा लगाइने जनाएको हो ।

खोप लगाउनका लागि आफ्नो उमेर खुल्ने परिचय पत्र लिएर खोप केन्द्रमा जान महानगरले सबैलाई आग्रह गरेको छ । खोप केन्द्रमा जनस्वास्थ्यका मापदण्ड पालना गरिदिन र आफनो पालोमा खोप लगाउन पनि आग्रह गरिएको छ ।

खोप कार्यक्रम तीन दिनसम्म चल्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।