२ अशोज २०७८ , शनिबार

काठमाडौंमा भेरोसेल खोपको दोस्रो डोज असोज ४ गतेदेखि दिइने

हेल्थ टिभी अनलाइन \काठमाडौं : काठमाडौंमा कोरोना विरुद्धको भेरोसेल खोप डोज असोज ४ गतेदेखि दिइने भएको छ । स्वास्थ्य कार्यालय काठमाडौंले पहिलो डोज खोप लगाइसकेकालाई यही असोज ४ गतेदेखि ६ गतेसम्म कोरोना विरुद्धको खोप दिइने जनाएको हो ।

खोप लगाउनका लागि काठमाडौं महानगरपालिकाका सबै वडामा गरी ३२ वटा खोप केन्द्र तोकिएको छ। यसबाहेक वीर अस्पताल, त्रिवि शिक्षण अस्पताल, नेपाल प्रहरी अस्पताल, शसस्त्र प्रहरी अस्पताल, परोपकार प्रसुती अस्पताल लगायतका अस्पताल पनि खोप केन्द्र तोकिएको छ ।

आफूले पहिलो मात्रा खोप लगाएको कार्ड लिएर गएर दोस्रो मात्रा लगाउन सकिने स्वास्थ्य कार्यालय काठमाडौंले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।