१ अशोज २०७८ , शुक्रबार

चीनबाट एकै दिन आइपुग्यो ४४ लाख डोज भेरोसेल खोप

हेल्थ टिभी अनलाइन \काठमाडौं : चीनबाट आज एकैदिन कोरोना विरुद्धको ४४ लाख डोज भेरोसेल खोप आइपुगेको छ ।

सरकारले चीनसँग खरिद गरेकोमध्ये ल्याउन बाँकी रहेको ४४ लाख डोज भेरोसेल खोप आज नेपाल आइपुगेको हो ।

स्वास्थ्य तथा जनसंख्या मन्त्रालयका अनुसार शुक्रबार दिउँसो नेपाल एयरलाइन्सको उडानमार्फत उक्त खोप त्रिभुवन विमानस्थल आइपुगेको हो । सरकाले खरिद गरेको ६० लाख डोज भेरोसेल खोपमध्ये १६ लाख डोज यसअघि नै दुई लटमा गरी ल्याइसकिएको छ ।

याे खाेप अब प्राथमिकता समूह तय गरी लगाउन सुरु गरिने पनि मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।