२७ भदौ २०७८ , आइतवार

घट्दै कोरोना संक्रमण : आइतबार ९११ जनामा संक्रमण पुष्टि

हेल्थ टिभी अनलाइन \काठमाडौं : देशभर कोरोना संक्रमण घट्ने क्रममा रहेको पाइएको छ । आइतबार ११ हजार १८ जनामा परीक्षण गर्दा जम्मा ९११ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

केही सातायता कोरोना संक्रमण दर र संक्रमितको संख्यामा कमी आउँदै गएको मन्त्रालयलका सह प्रवक्ता डा समिरकुमार अधिकारीको भनाई छ । यसैगरी पछिल्लो समय नयाँ संक्रमित थपिने भन्दा संक्रमणमुक्त हुनेको संख्या दोब्बर हाराहारी देखिएको छ । आजै मात्र १४ सय २३ जना संक्रमणमुक्त भएर डिस्चार्ज भएका छन्।

आज देशभर १३ जना संक्रमितको मृत्यु भएको मन्त्रालयले जनाएको छ । उता निको हुनेको संख्या बढेपछि सक्रिय संक्रमितको संख्या पनि घटेर २६ हजार ७५७ मा झरेको छ ।

अहिलेसम्म देशभर १० हजार ९४९ जनाले कोरोनाका कारण ज्यान गुमाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।