२१ भदौ २०७८ , सोमवार

देशभर ६८५ जना संक्रमित आइसीयू र भेन्टिलेटरमा

हेल्थ टिभी अनलाइन \काठमाडौं : देशभर ६८५ जना कोरोना संक्रमितको आइसीयू तथा भेन्टिलेटरमा उपचार भइरहेको छ ।

स्वास्थ्य तथा जनसंख्या मन्त्रालयका अनुसार अहिले पनि देशभर ५२३ जना सिकिस्त संक्रमितको आइसीयूमा र १६२ जनाको भेन्टिलेटरमा उपचार भइरहेको छ ।

देशभर ३१ हजार २४८ जना सक्रिय कोरोना संक्रमित रहेकोमा ६८५ जना आइसीयू र भेन्टिलेटरमा रहेको तथा २९ हजार ८१ जना होम आइसोलसनमा छन् । उता २ हजार १६७ जना संस्थागत आइसोलेसनमा रहेका छन् । नेपालमा हालसम्म कोरोना संक्रमण भएर १० हजार ८३८ जनाको मृत्यु भएको छ ।

उता कोरोना संक्रमण भएर निको हुने दर ९४ दशमलब ५ प्रतिशत रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।