नेपालमा १५ प्रतिशत नागरिकले लगाए कोरोना विरुद्धको पूर्ण खोप
हेल्थ टिभी अनलाइन \काठमाडौं : नेपालमा कोरोना विरुद्धको पूर्ण खोप कुल जनसंख्याको १५ प्रतिशतले पाएका छन्। स्वास्थ्य तथा जनसंख्या मन्त्रालयका प्रवक्ता डा कृष्ण पौडेलका अनुसार बुधबारसम्म कोरोना विरुद्धको दुबै डोज अर्थात पूर्ण खोप पाउनेको संख्या ४६ लाख ६७ हजार ३२८ पुगेको छ । यो भनेको १५ दशमलब ४ प्रतिशत हुन आउँछ ।
यसैगरी कोरोना विरुद्धको पहिलो डोज लिने झण्डै १८ प्रतिशत पुगेका छन्। हालसम्म पहिलो डोज लिनेको संख्या ५४ लाख २४ हजार ८३६ पुगेको डा पौडेलले जानकारी दिए ।
सरकारले कुल जनसंख्याको ७१ दशमलब ६ प्रतिशतलाई कोरोना विरुद्धको खोप दिने लक्ष्य राखेको छ । यो लक्ष्य अनुरुप सरकारले २ करोड १७ लाख ५६ हजार ७६३ जनालाई खोप दिनुपर्ने हुन्छ । अहिलेसम्म दुबै डोज गरेर १ करोड ९२ हजार १६४ जनाले खोप पाइसकेका छन्।
असोजसम्म एक तिहाई जनसंख्यालाई खोप दिने सरकारको लक्ष्य रहेको छ । यो वर्षको अन्त्य सम्ममा सबै नागरिले खोप पाउने बताइएको छ । नेपालमा गत माघ १४ गतेदेखि कोरोना विरुद्धको खोप लगाउन शुरु गरिएको हो । खोप अभियान अहिले पनि जारी रहेको छ ।





डा चेतना पौडेल रजिष्टर्ड प्राकृतिक चिकित्सक हुन् : योग तथा प्राकृतिक चिकित्सक संघ
अफ्रिकामा महिलाका अधिकारमाथि चुनौती, ‘मापुटो प्रोटोकल’ बचाउन आह्वान
एमडीएच फर्मास्युटिकल्सलाई क्वालिटी अचिभमेन्ट अवार्ड
ल्वाङलाई औषधिको रुपमा कसरी प्रयोग गर्ने ?
नेपाली औषधि कम्पनी म्याग्नस फार्मा अन्तर्राष्ट्रिय गुणस्तर अवार्डबाट सम्मानित