हेल्थ टिभी अनलाइन \काठमाडौं : सरकारले कोरोना महामारी नियन्त्रण र व्यवस्थापन गर्नका लागि भन्दै उच्चस्तरीय समिति गठन गरेको छ। स्वास्थ्य तथा जनसंख्या राज्यमन्त्री उमेश श्रेष्ठको अध्यक्षतामा ९ सदस्यीय उच्चस्तरीय समिति गठन भएको हो।

समितिको उपाध्यक्षमा स्वास्थ्य मन्त्रालयका सचिव डा रोशन पोखरेल र सहउपाध्यक्षमा मन्त्रालयका प्रमुख विशेषज्ञ डा दिपेन्द्ररमण सिंह छन्।

सदस्यहरुमा स्वास्थ्य सेवा विभागका महानिर्देशक डा आरपी बिच्छा, आयुर्वेद तथा वैकल्पिक चिकित्सा विभागका महानिर्देशक डा वासुदेव उपाध्याय, औषधि व्यवस्था विभागका महानिर्देशक भरत भट्टराई, इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेल र  ट्रमा सेन्टरका डा रुद्र मरासिनी रहेका छन्।

समितिको सदस्य सचिवमा नीति योजना तथा अनुगमन महाशाखा प्रमुख डा गुणराज लोहनी रहेका छन्।

उक्त समितिले कोरोना महामारी नियन्त्रण र रोकथामका लागि  सिमानामा हेल्थ डेस्क स्थापना, आइसोलेसन सेन्टर, खोप अभियान सञ्चालन लगायतका विषयमा प्रदेश तथा स्थानीय निकायसँग समन्वय गर्ने र उक्त कार्यलाई सहजीकरण गर्ने सम्मको काम गर्ने बताइएको छ ।