२९ साउन २०७८ , शुक्रबार

दक्षिण कोरिया जाने नेपालीलाई यी दुई केन्द्रबाट कोरोना विरुद्धको खोप दिइँदै

हेल्थ टिभी अनलाइन \काठमाडौं : सरकारले रोजगार र अन्य शिलशिलामा दक्षिण कोरिया जाने नेपाली नागरिकलाई पनि कोरोना विरुद्धको खोप दिने भएको छ ।

स्वास्थ्य तथा जनसंख्या मन्त्रालयले आज एक विज्ञप्ति जारी गर्दै दक्षिण कोरिया जाने नेपालीले काठमाडौंका दुई खोप केन्द्रमा गएर खोप लगाउन सक्ने जनाएको हो । खोप लगाउनका लागि महाराजगंजस्थित नेपाल प्रहरी अस्पताल र छाउनीमा रहेको सैनिक अस्पताल तोकिएको छ। कोरिया जानेले यी दुई अस्पतालमा गएर कोरोना विरुद्धको खोप लगाउन सक्ने छन्।

खोप लगाउन जाँदा पासपोर्ट र भिसा भने देखाउनुपर्नेछ । यसरी खोेप लगाउन जाँदा मास्कको अनिवार्य प्रयोग गर्ने तथा भौतिक दूरी कायम गरिदन पनि आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।