२२ साउन २०७८ , शुक्रबार

डा गोविन्द केसीले दिए फेरि अनसन बस्ने चेतावनी

हेल्थ टिभी अनलाइन\ काठमाडौं : डा गोविन्द केसीले फेरि एकपटक अनसन बस्ने चेतावनी दिएका छन्। डा केसीले स्वास्थ्य राज्यमन्त्री उमेश श्रेष्ठलाई तुरुन्त हटाउनुपर्ने लगायतका माग राखेका छन्। उनले आज पाँच बुँदे माग अघि सार्दै ती मागहरु पूरा नभए आगामी भदौ ३ गतेदेखि अनसन सुरु गर्ने चेतावनी दिएका हुन्। ।

निजी अस्पतालका सञ्चालक उमेश श्रेष्ठलाई स्वास्थ्य राज्यमन्त्री नियुक्त गरिएको भन्दै डा केसीले विरोध जनाएका हुन्। । उनले स्वार्थको द्वन्द्व नहुने व्यक्तिलाई स्वास्थ्य मन्त्री बनाउनुपर्ने माग समेत राखेका छन् ।

उनले वीपी स्वास्थ्य विज्ञान प्रतिष्ठानका दोषी पदाधिकारीलाई कारवाही गर्नुपर्ने माग समेत राखेका छन्। यसैगरी चिकित्सा शिक्षा ऐन संसोधन गर्दा उपाध्यक्षलाई नै कार्यकारी सबै अधिकार दिनुपर्ने माग समेत अघि सारेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।