२२ साउन २०७८ , शुक्रबार

आज भुटानबाट ३ लाख डोज खोप आउँदै

हेल्थ टिभी अनलाइन\ काठमाडौं : आज भुटानले दिने भनेको कोरोना विरुद्धको ३ लाख डोज एष्ट्राजेनेका खोप नेपाल आइपुग्ने भएको छ ।

स्वास्थ्य तथा जनसंख्या मन्त्रालयका अनुसार आज बिहान उक्त खोप काठमाडौं आइपुग्दैछ । खोप प्राप्त भएपछि प्राथमिकताका आधारमा जेष्ठ जागरिकहरुलाई दिइने मन्त्रालयले जनाएको छ ।

भुटानले आफ्ना सबै नागरिकलाई कोरोना विरुद्धको खोप लगाइसकेको छ । भुटाननसँग नेपालले सहयोग मागेको नभई उसले आफै आफूकहाँ बाँकी रहेको खोप नेपाललाई दिन चाहेको स्वास्थ्यमन्त्री उमेश श्रेष्ठले जनाएका छन्।

उता काठमाडौंमा आजबाट भेरोसेल खोपको दोस्रो मात्रा लगाउन समेत सुरु गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।