२० साउन २०७८ , बुधबार

काठमाडौं उपत्यकामा थप एक साता थपियो निषेधाज्ञा

हेल्थ टिभी अनलाइन \काठमाडौं : काठमाडौं उपत्यकामा थप एक साता निषेधाज्ञा थपिएको छ ।

कोरोना संक्रमणको जोखिम बढिरहेको भन्दै उपत्यकामा ललितपुर, काठमाडौं र भक्तपुर तीनै जिल्लाका प्रमुख जिल्ला अधिकारीहरुको बैठकले निषेधाज्ञा एक साता थप्ने निर्णय गरेको हो ।

साउन २१ देखि लागू हुने अब थप गरिएको निषेधाज्ञा साउन २७ गतेसम्म हुनेछ । अन्य नियमहरु भने यसअघि जस्तै हुनेछन्। भिडभाड हुने स्कूल, कलेज, सिनेमा हल, जिम हल, तालिम केन्द्र सभा जुलुस, महोत्सवलाई निषेध गरिएको छ ।

यसपटक निषेधाज्ञाको अनुगमन कडा गरिने समेत जनाइएको छ । सरकारले कोरोना रोकथाम तथा नियन्त्रणका लागि भन्दै गत वैशाख १६ देखि निषेधाज्ञा लगाउँदै आएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।