१३ जेष्ठ २०७८ , बिहिबार

घट्दै संक्रमितको संख्या: आज ६ हजार ९३९ जनामा कोरोना पुष्टि, ७ हजार २२६ जना संक्रमणमुक्त

२४ घण्टामा १०६ जनाको मृत्यु

हेल्थ टिभी अनलाइन \काठमाडौं : नेपालमा कोरोना संक्रमण बिस्तारै कम हुँदै गएको पाइन्छ । पछिल्लो २४ घण्टामा नयाँ संक्रमित भन्दा निको हुनेको संख्या बढी रहेको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा ६ हजार ९३९ नयाँ संक्रमित थपिएका छन् भने ७ हजार २२६ जना संक्रमित निको भएर डिस्चार्ज भएका छन्।गत २४ घण्टामा कोरोनाको आशंकामा २० हजार ९९२ जनाको परीक्षण गरिएको थियो ।

यसैगरी पछिल्लो २४ घण्टामा थप १०६ जना कोरोना संक्रमितको मृत्यु भएको छ । योसँगै देशभर कुल कोरोना संक्रमितको संख्या ५ लाख ४२ हजार २५६ पुगेको छ । उता कोरोनाबाट मृत्यु हुनेको संख्या ६ हजार ९५१ पुगेको मन्त्रालयले जनाएको छ ।

हाल देशभर सक्रिय कोरोना संक्रमित १ लाख १६ हजार ४७६ रहेको छ । यीमध्ये १६४५ जना आइसीयूमा र ४५७ जना भेन्टिलेटरमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।