१२ जेष्ठ २०७८ , बुधबार

अक्सिजन सिलिण्डर घरमा थन्काएर नराख्न स्वास्थ्य मन्त्रालयको आग्रह

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले उद्योग तथा अस्पतालहरुबाट घर घरमा लगिएका अक्सिजनका सिलिण्डरहरु समयमै बुझाइदिन आग्रह गरेको छ ।

एकपटक भरेर लगेको सिलिण्डर सकिएपछि उद्योगमा फिर्ता गर्नुपर्ने भए पनि धेरैले होल्ड गरेर राखिंदिदा फेरी अक्सिजनको समस्या देखिन थालेको भन्दै मन्त्रालयले यस्तो विज्ञप्ति जारी गरेको हो ।

मन्त्रालयले जारी गरेको विज्ञप्तिमा भनिएको छ- ‘अक्सिजन सिलिण्डर देशका दूरदराजमा वा व्यक्तिका घरमा थन्किएर बसेमा अस्पतालमा उपचाररत संक्रमितलाई अप्ठेरो हुन जाने भएकाले सबैलाई संवेदनशिल भइदिनु हुन अनुरोध छ ।’ मन्त्रालयले जुन कम्पनीबाट वा अस्पतालबाट सिलिण्डर ल्याइएको हो सोही स्थानमा सो सिलिण्डर फिर्ता गरिदिन आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।