७ जेष्ठ २०७८ , शुक्रबार

स्वास्थ्यले माग्यो कोरोनाको जोखिम भत्ता उपलब्ध गराउन अस्पतालसँग कर्मचारी विवरण

हेल्थ टिभी अनलाइन \काठमाडौं : सरकारले कोरोनाको उपचारमा फ्रन्टलाइनमा खटिएका चिकित्सक, स्वास्थ्यकर्मी, सफाइकर्मी लगायतको जोखिम भत्ता उपलब्ध गराउन अस्पतालसँग विवरण माग गरेको छ ।

स्वास्थ्य तथा जनसंख्या मन्त्रालयले मन्त्रिपरिषदको वैशाख १९ गतेको निर्णय अनुसार कोभिड उपचारमा प्रत्यक्ष रुपमा खटिएका चिकित्सक, स्वास्थ्यकर्मी र अन्य कर्मचारीहरुलाई ६ महिनासम्म सुरु तलब स्केलेको ५० प्रतिशत जोखिम भत्ता उपलब्ध गराउन विवरण माग गरेको हो।

मन्त्रालयले कर्मचारीको नाम, पद, कोभिडमा खटिएका कर्मचारीको ड्यूटी रोष्टर,कर्मचारी संकेत नम्बर, स्थायी लेखा नम्बर, बैंक खाता नम्बर र वैशाख महिनाको पे रोल समेत विवरणमा उल्लेख गर्न भनेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।