४ जेष्ठ २०७८ , मङ्लबार

पछिल्लो २४ घण्टामा थपिए ८ हजार २०३ संक्रमित, १९६ जनाको मृत्यु

हेल्थ टिभी अनलाइन \काठमाडौं : देशभर पछिल्लो २४ घण्टामा ८ हजार २०३ जना नयाँ कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २० हजार ९७९ जनाको कोरोना परीक्षण गरिएकोमा ८ हजार २०३ जनामा संक्रमण पुष्टि भएको हो । योँिगै देशभर कुल कोरोना संक्रमितको संख्या ४ लाख ७२ हजार ३५४ पुगेको छ । यीमध्ये ३ लाख ५२ हजार ३१४ जना निको भइसकेका छन्। उता गत २४ घण्टामा १९६ जना कोरोना संक्रमितको मृत्यु भएको मन्त्रालयले जनाएको छ ।

योसहित नेपालमा कोरोना संक्रमण भएर मृत्यु हुनेको संख्या ५ हजार ४११ पुगेको छ । आज ६ हजार ८९१ जना संक्रमित संक्रमणमुक्त भएका छन्। हाल देशभर सक्रिय कोरोना संक्रमितको संख्या १ लाख १४ हजार ५२९ जना रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।