३ जेष्ठ २०७८ , सोमवार

काठमाडौं उपत्यकामा थपिए ३ हजार ९८ संक्रमित

हेल्थ टिभी अनलाइन\ काठमाडौं : काठमाडौं उपत्यकामा थप ३ हजार ९८ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौं उपत्यकामा थप ३ हजार ९८ जनामा संक्रमण पुष्टि भएको हो।

ती मध्ये काठमाडौं जिल्लाका २३४६ जना, ललितपुरका ४५४ जना र भक्तपुरका २९८जना रहेका छन्। पछिल्लो २४ घण्टामा २२ हजार ८७ जनाको कोरोना परीक्षण गरिएको थियो। सो परीक्षणबाट नेपालभर ९ हजार २४७ जनामा संक्रमण पुष्टि भएको छ भने आज २१४ जना संक्रमितको मृत्यु भएको मन्त्रालयले जनाएको छ ।

काठमाडौं उपत्यकामा अहिले ४० हजार ७७४ जना सक्रिय संक्रमित छन्। जसमध्ये काठमाडौंमा मात्रै २८ हजार ५२७ जना, भक्तपुरमा ५ हजार ७६ र ललितपुरमा ७ हजार १७१ रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।