३० बैशाख २०७८ , बिहिबार

पछिल्लो २४ घण्टामा २१४ कोरोना संक्रमितको मृत्यु, ५०५५ जना निको भए

हेल्थ टिभी अनलाइन\ काठमाडौं : देशभर पछिल्लो २४ घण्टामा २१४ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २१४ जनाले कोरोना संक्रमणबाट ज्यान गुमाएका हुन्।

योसँगै कोरोनाबाट मृत्यु हुनेको संख्या ४ हजार ४६६ पुगेको छ । यसैगरी आज २० हजार २४५ जनाको कोरोना परीक्षण गरिएकोमा ८ हजार ९६० जनामा कोरोना पुष्टि भएको छ । योससहित देशभर कुल कोरोना संक्रमितको संख्या ४ लाख ३१ हजार १९० पुगेको छ । यीमध्ये ३ लाख २१ हजार ५१८ जना संक्रमणमुक्त भइसकेको मन्त्रालयले जनाएको छ ।

उता आज ५ हजार ५५ जना संक्रमित निको भएर डिस्चार्ज भएका छन्। हाल देशभर सक्रिय कोरोना संक्रमितको संख्या १ लाख ५ हजार २०७ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।